ಮಾಯಾ

ಕವಿತೆ ಬರೆಯುವುದು ಬಿಟ್ಟು
ಬೇರೆನೂ ಗೊತ್ತಿಲ್ಲದ
ಹೆಡ್ಡೂ ಕಣೋ..ನೀನು..
ಹೀಗೆ..
ಒಮ್ಮೆ ಕಣ್ಣರಳಿಸಿ
ನಕ್ಕು ಹೋದವಳ
ವಿಳಾಸ ಗೊತ್ತಿಲ್ಲ
ಅವಳು ಗೊತ್ತಿದ್ದರೇ ಹುಡುಕಿ ಕೊಡಿ..!

ನನ್ನೂರಿನ ಬರದ ಬಾಯರಿಕೆಗೆ
ಬೆನ್ನ ತಿರುಗಿಸಿ
ಬೆಂದಕಾಳೂರಿಗೆ ಹೋದವಳು
ಆದೇನು ಮಾಯೆಯೂ
ಅಲ್ಲಿಂದಲೂ ಅವಳು
"ಮಾಯಾ’
ಅವಳ ಹೆಸರೇ ಹಾಗೆ...!

ಅವರು ಬಿಟ್ಟು ಹೋದ ಭಾಷೆಗೆ
ಇವಳು ಅಧಿಕೃತ ಹಕ್ಕುದಾರಳಂತೆ
ನನ್ನೂರಿನ ಹೈಕಳು ಕಂಗಾಲು
ಪುರದ ಬಾಗಿಲ್ಲಲೇ
ಅವಳದೇ ಚರ್ಚೆ..?!
ಪಕ್ಕದಲ್ಲೆ ಇರುವ
ಸಿಂಗಾಪುರದಲ್ಲಿ ಅವಳದೇ ಧ್ಯಾನ
ಎಲ್ಲಿರಬಹುದೋ.? ಹೇಂಗಿರಬಹುದೋ..?

ಫರಂಗಿಯವರನ್ನು ಮದುವೆಯಾದರೇ?
ಅವರಮ್ಮನ ಚಿಂತೆ.
ವಯಸ್ಸು ಚಿಕ್ಕದು, ತುಂಬಿದ ಮೈಕಟ್ಟು
ನೀಳ ಕಣ್ಣು, ಗುಂಗರ ಕೂದಲು
ಬಾಯಿತುಂಬಿ ಮಾತನಾಡುವ ಬುದ್ದಿವಂತೆ
ಈ ನಮ್ಮೂರಿನ "ಮಾಯಾಂಗನೆ’
ಕಾಣೆಯಾಗಿದ್ದಾಳೆ..
ಸಿಕ್ಕಿದರೇ ಹುಡುಕಿಕೊಡಿ...!
ಪೇಪರ್‌ನಲ್ಲಿ ಬಂದ ಸಣ್ಣ ಸುದ್ದಿಯೇ
ನಮ್ಮೂರಿಗೆ ಈಗ ಹೈಲೈಟು...
ವಿಳಾಸ ಗೊತ್ತಿಲ್ಲ
ಅವಳು ಗೊತ್ತಿದ್ದರೇ ಹುಡುಕಿ ಕೊಡಿ..!

-ಹೆಗ್ಗೆರೆ ರೇಣುಕಾರಾಧ್ಯ
ಮೈಸೂರು