ಮಳೆಯಲಿ

ಛೇ
ಮಳೆ ಬರುತ್ತಿದೆ
ನೆಂದ ನಾನು ನಿಮಗೆ
ಈಗೇಕೆ ನೆನಪಾದೆ.
ಅವನು ಕಾಯುತ್ತಿದ್ದಾನೆಂದು
ಅವಸರವಾಗಿ ಹಾಗೆ ಬಂದೆ
ಮೊದಲ ಮಳೆ
ಮೈಯಲ್ಲ ಒದ್ದೆ.

ಹೀಗೆಲ್ಲಾ ಫೋಟೊ ತೆಗೆಯಬೇಡಿ
ಒದ್ದೆಯ ಮುಖದಲ್ಲಿ
ನಾನು ಮುದ್ದೆಯಾಗಿದ್ದೇನೆ
ಬಿದ್ದ ಮಳೆಯಹನಿಯು
ಒರೆಸಿಲ್ಲ.
ನಾಳೆ ಬಂದರೆ ಆಗದೆ..
ಕೂದಲೆಲ್ಲಾ ನೋಡಿ
ಹರಡಿ ಆಕಾಶ ನೋಡುತ್ತಿದೆ..
ಅಲ್ಲಿಗೆ ತಲುಪಲು ಇನ್ನೆಷ್ಟು ಹೊತ್ತು ಬೇಕೋ..?
ಅವನು ಮಳೆಯಲಿ ನೆನೆದು ನೆನೆಯುತ್ತಿರುತ್ತಾನೆ
ನಾನು ಮಳೆಯಲ್ಲಿ ನೆಂದಿರಬಹುದೆಂದು
ಈಗ ಹೋಗಲೇ...!!